D’ Centser Guiden a Scouten invitéieren iech op eist Buergbrennen. Dëst fënnt Sonndes den 22. Februar ab 18h00 op eisem eegene Site (153, Rue Cents) statt.
Dëst Joer wëlle mir nees e gréissere Fakelzuch iwwert den Cents maachen.
D’Buerg wäert an der Mëtt vun der Wiss opgeriicht ginn. Dir hutt d’ Méiglechkeet Iech 360° ronderëm dëst Feier ze beweegen, a kënnt Iech u klenge Feieren iwwerall um Terrain opwiermen.
Oflaf
Start
Mir fänken u mam Verkaf vun Iessen & Gedrénks op eisem Site.
Fakelzuch (Treffpunkt)
Mir treffen eis virun der Apdikt. Hei gi Fakelen un d’Kanner verdeelt.
Fakelzuch
Mir ginn zu Fouss mat Fakelen iwwert den Cents, bis bei d’Buerg.
D’Buerg brennt
De Fakelzuch kënnt un, an dat grousst zentraalt Feier op eisem Site gëtt ugefaang.
Schluss
Wou fënnt et statt?
D’ Buergbrenne fënnt beim Junkerhaus; eisem eegene Site um Cents statt (153 Rue Cents / Busarrêt: Cents Waassertuerm).
De Fakelzuch start dëst Joer virun der Apdikt um Carmel. (5 allée du Carmel)
Iessen
- Ierbessebulli
- Gromperekichelcher
- Gegrills
- Fritten
- Marshmallows
Gedrénks
- Schocki
- Glühwäin
- Lëtz’ Kola / Orange / Lemon & Lime
- Béier
- Schampes