Escaperoom

Du an deng Kollege gitt géint äre Wëllen an eng däischter, erofkommen Irrenanstalt agespaart. Packt dir et, innerhalb vu 60 Minutten all mysteriéist Rätsel ze léisen an z’entkommen oder verfaalt dir ärem eegene Wahnsinn?

D’Centser CaraPio invitéieren iech vum 7.-9. Juni an hiren Escape Room. De Präis beleeft sech op 15€ pro Persoun, woubäi alles an d’Finanzement vun eisem Summercamp fléisst. Dir kënnt iech, an enger Ekipp vu 4-6 Leit, un eiser Challenge probéieren. De Mindestalter ass 16 Joer. Fir e klengen Oppräis ass och fir Iessen an Drénke gesuergt. Mir freeën eis op iech!

Reservéiert dir iwwert folgenden Link en Slot fir deng Eekipp: https://cents.lgs.lu/index.php/evenement/escaperoom-vun-den-centser-carapio/

Fotoen plënneren

Dësen Weekend wäert t Fotossektioun vum Site esou wéi der se kannt hutt verschwannen. Mee maacht iech keng Suergen, well se plënneren just op eisen Server.
Wann der schonn en Account um Site hat dann wäert der nach dësen Weekend en neien Account fir de Server kréien.(Dësen kritt der per e-mail zougeschéckt)
All déi aner Memberen (Kanner an Elteren) kennen sech iwwert dësen Formulaire en Account ufroen: https://cents.lgs.lu/index.php/registration/
 
E Virdeel vum Server ass, dass der iech d’App DS Photo eroflueden.
 
Fir iech iwwert d’App anzeloggen brauch der Ären Usernumm, äert Passwuert, an eis Quickconnect-ID: LGS-Cents
 
Amplaz vun der aler Fotossektioun wäerten mer elo vereenzelt Fotoen verëffentlechen. Heifir brauch der och keen Account méi.

T’Buerg ass prett fir den Owend

Den Owend geet et wéi gewinnt lass um 18:30 Auer bei der Kierch, vun wou aus mir en Fakelzuch bis bei t’Buerg organiséieren. Dës gëtt dann um 19:00 Auer ugefaange.

Fir Iessen a Gedrénks hu mir natierlech wéi ëmmer gesuegt. Kommt also laanscht ob en gudden Ierzebulli a Glühwäin (Gegrills, Fritten an Gedrénks gëtt et natirlech och).

Kannerfuesbal 2019

Wéi all Joer, organiséieren mir och dëst Joer nees de Kannerfuesbal um Cents. Um Flyer fann dir all déi wichtegst Informatiounen.

Halloween Rallye

De Samsden 20.10. organiséieren déi Centser Guiden a Scouten zesummen mat der APE (Association des Parents d’Éleves) en Rallye duerch de Quartier. Mellt är Équipe un bis den 17.10. ennert cents@ape.lu (méi Informatiounen am Flyer).

Deen Dag ass keng Versammlung bei de Biber an de Wellef.

Avex Camp

 

 

 

 

 

 

 

D’Avex waren haut mat engem Catamaran bis bei d’Fort Boyard gefuer! Och wann sie op där Foto zimlech midd ausgesinn, haten sie zimlech vill Spaass. Nom Camp kommen genuch Fotoen op den Site, wou sie och laachen 😉

Eis Entréespaart ass dann och mol haut ferdeg ginn!

Muer geet et dann op den Hike!

Avex Camp

No enger flotter Explo zu Dolus d’Oléron an engem Rollenspill voller Intrigen um engleschen Kinnékshaff, waren mir lo haut den moien mol fir d’eischte Kéier am Kader vun eisem Sportsdag op d’Plage, wou mir natierlech awer och mol gudd entspannt hun!